И обичниот граѓанин кој има базични познавања од статистика ќе воочи дека резултатите од „политичкиот“ попис 2021 имаат аномалии. Или народски кажано нешто тука „смрди“.

Најпрвин проблем беше попишувањето на дијаспората, и внесувањето на таа бројка во вкупното население, каде што едната заедница порасна на фантастични 29,4%, а сите други стагнираа а посебно најголемата македонската заедница ( ако се држиме на формулацијата на Уставот Македонскиот народ).

Не може да се добијат вистинските параметри за креирање на политики во Република Македонија ( иако оваа владеачка гранитура можеби да се пофали со нешто друго, но во делот на креирање на политики резултатот е еднаков на нула). Не може да се креираат политики за граѓани кои живеат надвор од државата  и кои работат и добиваат приход и имаат бенефит од државата во која престојуваат.

Не е исто да се креираат политики или да остваруваат права повеќе од 260.000 граѓани кои не живеат во Република Македонија. Ова е еднаков на бројот на жители на Куманово, Тетово и Чаир. Зарем Македонија има капацитет да креира политики за плус 260.000 граѓани кои не живеат тука.

Една посериозна аномалија во пописот , која и те како фрла сомнеж врз „штелуваните“ пописни резултати е резултатите кои се однесуваат на ромската заедница.

Во Република Македонија според пописот од 2002 живееле 53.869 Роми, или 2.66%, според пописот од 2021 живеат 46.433 Роми или помалку дури 7.436 Роми. Се поставува прашањето каде се овие Роми, дали во овие 20 години Ромите изумреле, воопшто никаков наталитет нема кај Ромската заедница во овие 20 години, иако статистички и научно Ромите според претходните пописни резултати имаат најголема млада популација и најголема стапка на наталитет.

Како прва поткрепа на мојата теза дека овој попис е нереален се резултатите на пописот  за општина Шуто Оризари

Една споредба : Попис 2002 година општина Шуто Оризари има 20.800 жители попис 2021 25.726 жители

Сомнеж веднаш оставаат пописните резултати за Шуто Оризари. Иако имаме зголемување на бројот на население за 4.926 или дури зголемување за 23.69%, кај ромската заедница имаме намалување на населението и од 64.14% ромско население во Шуто Оризари со пописот од 2021 година Ромите се сведени на 43.8% додека кај албанската заедница имаме пак зголемување од 26.52% во 2002 на 34.32% во 2021. Се поставува прашањето каде исчезнаа Ромите во бројките на Владата , не велам на ДЗС туку на Владата, бидејќи овие резултати и политиките на Владата во изминатите 5 години одат во полза на една заедница.

Се поставува прашањето што ќе се случи со наредниот попис? Дали ромите во Шуто Оризари ќе станат втора заедница во „ единствената ромска општина во светот“ ?

Како втора моја поткрепа на сомнителните резултати себројката на Роми во другите општини.

Попис 2002                                                                                   Попис 2021

Битола                            2.613                                                                                                2.890

Велес                                800                                                                                                 507

Виница                           1.230                                                                                                704

Гостивар                        2.237                                                                                                2.273

Кичево                           1.631                                                                                                 2.003

Кочани                           1.951                                                                                                 1.892

Куманово                      4.256                                                                                                2.795

Прилеп                           4.433                                                                                               3.966

Штип                              2.195                                                                                                2.301

Струмица                         147                                                                                                  261

Скопје                           23.475                                                                                              18.498

Реалноста е сосема поинаква за разлика од „ документот на владата“. Многу Роми останаа непопишани , многу Роми беа запишани како припадници на др заедница.

Ова е  АЛАРМ до невладините огранизации кои имаа кампањи за пописот и кои за нивните кампањи зедоа огромни средства од одредени донатори, дека нивната мисија не е успешна , и дека кампањи за вакви сериозни теми не се спообни и кадарни за тоа.

Ова е истовремен  и АЛАРМ до сите ромски политички елити, дека овие резултати се неповолни во поглед на нивната партиципација во власта и дека ромските политички партии ( кои за жал во последните 4 години се само пасивни набљудувачи на политичката сцена) на наредните парламентарни избори не можат да се надеваат на добри позиции и а уште помалку на добри резултати и рејтинг кај калиционите партнери.

Колумна на Ибрахим Ибрахими