Инцидентот според полицијата се случил на улицата „Гоце Делчев“ во Охрид.
Охридската полиција поднесе кривична пријава против Г.А. (32) од Охрид. Тој е осомничен за сторени кривични дела „предизвикување општа опасност“ и „загрозување на сигурноста“.
На улицата „Гоце Делчев“ во Охрид, пријавениот од тераса од стан, од огнено оружје во негова сопственост, испукал неколку куршуми од кои четири проектили завршиле во паркирани патнички возила, сопственост на пекарница. По овој настан, на трети овој месец Г.А. упатил сериозни закани кон Љ.Н. и други вработени во пекарницата, со што предизвикал чувство на загрозеност на сигурноста и страв кај Љ.Н. и вработените.
