На магистралниот пат Велес- Штип, кај село Мамутчево, вчера околу 13,30 часот се случила сообраќајна незгода меѓу автобус со штипски регистерски таблици управуван од Б.А. (54) од Велес и товарно моторно возило „Сканија“ со скопски регистерски таблици управувано од М.Ј. (31) од Скопје.
Во незгодата со телесни повреди се здобиле двајцата возачи и 21 патник (од автобусот), а сообраќајот бил во прекин од 13,40 до 15,10 часот.
Увид на местото на настанот извршила увидна екипа од Полициската станица Свети Николе.
Се работи на целосно расчистување на случајот.
