петок, 1. декември 2023. Вести денес: 0
home Хроника

Вработен во МВР со службено возило удри во 7 годишно дете, момчето со тешки повреди пренесено во Клинички

Вработен во МВР со службено возило удри во 7 годишно дете, момчето со тешки повреди пренесено во Клинички

Денеска во 09.50 часот на улицата „11-ти Октомври“ во Куманово, над градската џамија, се случила сообраќајна незгода во која учествувале патничко возило „Фиат Линеа“, сопственост на МВР на РМ, управувано од П.С. (44), вработен во МВР на РМ и седумгодишно момче, информираа денеска од СВР Куманово.

По незгодата детето било пренесено во болницата во Куманово од каде, по извршен лекарски преглед, му биле констатирани тешки телесни повреди, по што бил пренесен во комплексот клиники „Мајка Тереза“ во Скопје.

Во врска со настанот, Јавен обвинител и СВР Куманово презема мерки за утврдување на околностите и расчистување на случајот. Исто така, за настанот е информиран и одделот за внатрешна контрола, криминалистички истраги и професионални стандарди.