Според неофицијални податоци од Центарот за јавно здравје, денеска во Македонија има регистрирано 165 случаи на коронавирус, од кои 76 се во Скопје, јавува Нетпрес.
Во земјава се активни 2.735 случаи на заболени со Ковид-19, од кои најголем број се во Скопје, односно 1.593.
Во главниот град заклучно со завчера најмногу активни случаи има во Чаир – 352, а по околу 100 случаи има во уште шест скопски општини: Аеродром – 127, Бутел – 117, Гази Баба – 128, Центар – 123, Карпош – 108, Сарај – 109. Од почетокот на епидемијата регистрирани се 4.820 заразени, а починаа 222 лица.
