Претпладне по оделни котлини, особено вдолж Повардарието, со појава на магла, во останатите делови сончево со мала до умерена облачност. Во текот на денот облачноста ќе се зголеми, па ќе преовладува умерено до значително облачно и релативно топло време. Ќе дува слаб ветер претежно од јужен правец.
Утринските температури ќе се движат од 3 до 8 степени, а дневните до максимални 24 степени.
Слично време и во Скопје со максимална дневна температура од 19 степени.
Утре времето ќе биде променливо облачно со услови за слаб локален дожд. Ќе дува умерен до засилен ветер од северен правец, поизразен вдолж Повардарието.
Ваквото време ќе се задржи до петок, а во среда во југоисточните делови ќе има појава на краткотраен дожд.
