Состојбата во Македонија е загрижувачка во последните денови – најголем број новозаразени со коронавирус од почетокот на епидемијата се пријавени во петокот, а заради повторното ширење на вирусот, земјата беше принудена да го воведе повторно полицискиот час, пишува „Блиц“, пренесува хрватскиот сајт „Јутарни“.
Бројот на заразени во Македонија започна да се зголемува кон крајот на мај. Така, на 29 мај е регистрирано зголемување од 59 нови случаи, а во петок дури 120 нови случаи, што е најголем пораст од почетокот на епидемијата.
Поради алармантната епидемиолошка состојба, владата беше принудена да воведе полициски час во Скопје, Куманово, Тетово, Штип, Јагуновце и Липково.
Забрана стапи на сила во четврток во 21 часот и ќе трае до понеделник наутро, додека саботата ќе биде неработен ден, објавува „Јутарни“.
