Внуката на Елена Ристеска, Делфина, наполни шест години, а по тој повод ѝ беше организирана роднеднска забава за најблиските. Се разбира, не изостана ни убавата и вкусна роденденска торта, како и роденденската честитка од гордата тета, која објави емотивна порака на својот инстаграм-профил:
„Најхрабриот лав што го знам, се бори како лавица откако се роди. Најслаткото дете што сум го запознала, како да излегла од цртан филм. Понекогаш се запрашувам дали зборувам со дете или со возрасен – толку е паметна. Некогаш не сум сигурна дали е мое дете или на сестра ми – како јас да сум ја родила, толку многу ја сакам – како свое дете. И без разлика колку деца ќе ми даде Бог во иднина, таа секогаш ќе биде моето прво дете. Те сакам, Делфина. Единствената причина поради која останувам овде си ти.“
