Пејачката Марија Шерифовиќ ослабе три килограми за само пет дена!

Пејачката во март имала четири концерти во Белград, па била под голем стрес.

– Се измерив пред првиот концерт, а потоа по пет дена повторно се измерив. Видов дека имам три килограми помалку. Бев во шок, никогаш досега немав ослабено толку брзо – вели Марија за Хит и додава дека стресот бил пресуден фактор за слабеење:

– Бев изложен на невиден стрес! Не можев да јадам ништо, ги прескокнував повеќето оброци. За појадок јадев само јајца или јогурт со тост. Преку ден бев на проби, па не стигнав ни да ручам. Би јадела само лосос или стек навечер… И така пет дена.

Поради новата фигура, Марија се нашла во нов проблем – целата нејзина гардероба преку ноќ станала голема.

– Кога отидов да пробам одело на последниот концерт во Белград, ми беше огромен! Шнајдер повторно ми ги измери сите облини и излезе дека обемот на стомакот, половината и нозете ми се помали за четири и пет сантиметри, што е фантастично. Секогаш сум среќна кога слабеам – вели поп-ѕвездата, која веќе две години е на специјална диета, со која ја одржува линијата.

Морала да ги исфрли слатките и тестенините од исхраната, но понекогаш не може да издржи без грицки.

– Секогаш сум гладна! Гладни ми се душата и очите! Ми се случува да огладнам среде ноќ, па го отворам фрижидерот само да најдам нешто интересно, што и да е… Понекогаш се воздржувам, но не секогаш – искрена е Марија.

Иако е голем гурман, Марија не сака да подготвува храна, но за тоа е задолжена нејзината мајка:

– Верица готви, јас не! И забранив кај мене да приготвува храна, бидејќи тогаш цела куќа ми смрди на кромид. Јас и реков: „Оди во друг стан, готви и врати се“. Сакам да јадам сарма, пребранац, супа, мусака… Но кога мајка ми ќе почне да готви кромид, доживувам нервен слом! Затоа, во мојата куќа повеќе нема готвење – изјави Шерифовиќ.