Директорот на Гранд, Саша Поповиќ , се присети кога заедно со Лепа Брена ја посетил покојната пророчица Баба Ванѓа , позната по тоа што со неверојатна прецизност ги пророкувала судбините на луѓето.

Имено, посетата се случи пред повеќе од 30 години, кога Лепа Брена и Слатки грев одржаа спектакуларен концерт на стадионот Васил Левски пред повеќе од сто илјади луѓе.

Кога бевме на концертот во Бугарија ни рекоа дека во 11 часот сме имале средба со Баба Ванѓа. Јас и Брена отидовме и добивме по две коцки шеќер. Ги завиткавме во салфетка и ги ставивме под перницата вечерта пред посетата на Ванѓа. Следниот ден отидовме кај неа со тоа. Не предупредија да не и даваме пари или други материјални работи бидејќи сето тоа го добила од државата и автомобилот и куќата и обезбедувањето. Цариникот не провери сите, поминавме еден километар, имаше шатори, а во нив имаше илјадници луѓе кои имаа 15 дена до закажаното време. Тито четири пати бил со Ванѓа, таа му кажала што да прави. Ванѓа зборуваше разумно српски – изјави Саша за српските медиуми.

Дојдовме јас и Брена, таа не пречека, сакав да бидам прв. Таа ми вели да ги извадам очилата, јас и велам да не ги носи, а таа ми вели да не бидам непристоен и да запомнам на се што ќе ми каже. И брзо почнува да зборува: Имаш 37 години, татко ти загина во сообраќајна несреќа, мајка ти остана сама, престанала да пали свеќа за слава, опомени ја. Па таа ми рече дека црвената кола ми е одлична, ја купив во Виена и ми рече да ги чувам парите што ги направив во Виена. Таа ми рече дека таа групата каде што работиш сега нема да постои за една година, ќе се распадне. И тогаш, во август 1991 година, на концертот имавме дури 120.000 гледачи. И тогаш таа ми вели дека ќе пеам, и таа пука од смеење. И јас бев единствениот во групата што не пееше. Тогаш ми кажа дека на 48 години ќе бидам врвот на српската естрада, а јас и Брена се гледавме зачудено. И тогаш ја прашувам: Кажи ми, кога ќе се оженам? Таа ми вели дека нема да се оженам во наредните 6 години. А девојка ми беше бремена во тоа време, во 4-от месец, на што Ванѓа ми вели дека нема ништо од неа, дека нема да се роди дете и дека ќе раскинеме на 5 јануари. И така беше. И на крајот ми вели дека ќе умрам од природна смрт на 86 години – откри Саша Поповиќ.