Аргентинскиот репрезентативец и член на ПСЖ, Анхел Ди Марија, е на чекор до трансфер во калчолигашот Јувентус, јавија денеска италијанските медиуми.
Договорот на Ди Марија со францускиот прволигаш истекува на крајот на оваа сезона и се очекува аргентинскиот играч за врска да го напушти клубот по седум години минати во Париз.
Ди Марија веќе подолго време се поврзува со трансфер во Јувентус, а според италијанските медиуми, двете страни се пред реализација на договорот за соработка.
Аргентинскиот фудбалер би требало да потпише едногодишен договор, со опција за уште една година, и плата од седум милиони евра.
Ди Марија дојде во ПСЖ од Манчестер јунајтед во 2015 година и со парискиот гигант освои пет шампионски титули во француското првенство.