Рускиот енергетски гигант „Газпром“ ќе остане спонзор на Лигата на шампионите во фудбал и во следните три сезони, соопштија од УЕФА.
Двете страни потпишаа спонзорски договор, според кој „Газпром“ ќе инвестираат пари во турнирот до 2021 година.
Како дел од договорот „Газпром“ стекнува спонзорски права и за Суперкупот на Европа во 2018, 2019 и 2020 година.
„Газпром“ е спонзор на Лигата на шампионите од 2012 година, како и генерален спонзор на рускиот Зенит (Санкт Петербург), германскиот Шалке 04 и српска Црвена Ѕвезда, а исто така е глобален партнер на англиски Челзи.
