Спортскиот директор на Интер, Пиеро Аусилио, не сакаше да коментира за трансферната политика на клубот пред 31-виот круг на Серија А со Торино.

„Неразурите“ гостуваат кај „биковите“ денес и ќе бараат задолжителна победа во нивната борба за обезбедување место во Лигата на Шампионите следната сезона.

– Имаме многу тешки натпревари пред крајот на сезоната. Само со победи ќе можеме да се квалификуваме за Лигата на шампионите. Имам доверба во Лучано Спалети. Нормално е да има подеми и падови, но успеавме да закрепнеме во време на криза, изјави Аусилио.

Од новинарите го запрашаа за шпекулациите околу Рафиња и Жоао Кансело, но тој одби да коментира.

– Ние ветивме дека нема да зборуваме за трансфери до 20-ти мај. Ние нема да коментираме за дојдовни или заминувачки трансфери. Ќе видиме што можеме да направиме пред Светското првенство во 2018 година, рече директорот на Интер за „Премиум Спорт“.