Тренерот на Ливерпул, Јирген Клоп ја коментираше одлуката на Судот на арбитража за спорт (КАС) за откажување на дисквалификацијата на Манчестер сити во евро-куповите.
– Среќен сум што Манчестер сити ќе може да игра во Лигата на шампионите следната година. Доколку оваа екипа имала 10-12 натпревари помалку следната сезона, тогаш другите екипи од Премиер лигата не би имале шанса да се натпреваруваат со неа во борбата за титулата во лигата, изјави Клоп.
Претходно, Сити беше казнет со забрана за настап во европските купови две години и парична санкција со 30 милиони евра, поради нарушување на финансискиот фер-плеј, но КАС ја одобри жалбата на англискиот клуб и ја откажа дисквалификацијата, како и ја намали казната на 10 милиони евра.
