Менаџерот на Челзи, Антонио Конте кој се најде во потесната конкуренција, се заблагодари за неговиот интерес и го најави својот престој на „Стемфорд Бриџ“ до крајот на договорот.
Со Конте, разговорите требаше да ги направи Алесандро Костакурта, заменик-комесар на Фудбалскиот сојуз на Италија.
– Немам планови да разговарам со Костакурта. Тој е мој пријател, игравме заедно за репрезентацијата, но нема ништо во тоа. Можеби заборавил дека имам уште 18 месеци договор со Челзи и мојата намера е да го одработам до крај, рече Конте.
По откажувањето на Конте, во конкуренција за селекторската функција во италијанската фудбалска репрезентација остануваат Роберто Манчини, Карло Анчелоти и Клаудио Раниери.
