Селекторот на Белгија, Роберто Мартинес, направи неколку измени во стартниот состав на својата репрезентација за клучниот дуел против Хрватска и на клупата ги остави двете ѕвезди Ромелу Лукаку и Еден Азар.
Белгија од 16 часот мора да ја победи Хрватска за да игра во нокаут-фазата, но и актуелните вицешампиони на светот си имаат свои сметки.
Селекторот Златко Далиќ остана при избор на тимот што ја победи Канада со 4:1 во претходното коло и нападот ќе го предводат Ливаја и Крамариќ, а тука се и искусните Перишиќ, Модриќ, Брозовиќ…
Во терминот од 16 часот ќе се игра и дуелот меѓу Канада и Мароко, а еве ги составите и за тој меч.
Хрватска има 4 бода, колку и Мароко, Белгија го почнува последното коло со 3 бода, а Канада е испадната и е без бодови.
