Манчестер сити има намера да го купи играчот за врска Џек Грилиш од Астон Вила.
Според „The Telegraph“, клубот од Манчестер испратил трансферна понуда од 100 милиони фунти за играчот од средниот ред. Да се купи Грилиш ова лето е една од главните цели на тренерот на Сити, Пеп Гвардиола.
„Граѓаните“ се надеваат дека договорот ќе биде затворен во наредните денови. Без успех во купувањето на Хари Кејн од Тотенхем, Грилиш стана приоритет на Сити.
За потсетување, Астон Вила на Грилиш му понуди нов договор со значително зголемување на платата.
Минатата сезона, Англичанецот одигра 26 натпревари во Премиер лигата, постигна шест голови и направи 10 асистенции. (МИА)
