Манчестер Сити се засили со холандскиот дефанзивец Филип Сандлер. Овој 21-годишен талент пристигна од Цволе, а е младинец на Ајакс и репрезентативец на Холандија во составот до 20 години. Сепак, Сандлер го откри својот талент по трансферот во Цволе, кој не остана незабележан од скаутите на „граѓаните“, и на крајот тој се најде на „Етихад“.
Сити не објави детали за договорот, но медиумите во двете земји шпекулираат за сума од 3 милиони евра. Сандлер најверојатно ќе се врати дома во друг клуб. Тој е трет трансфер на Сити летото по Ријад Марез и Клаудио Гомез.
Во меѓувреме, Манчестер Сити, исто така, ја објави разделбата со играчот од средниот ред Барсент Челина (21), кој се пресели во Свонси. Младиот играч од Косово одигра четири натпревари за тимот во сезоната 2015/16, а потоа беше даден на позајмица на Твенте и Ипсвич. Сега тој е веќе дел од „лебедите“, кои испаднаа од Премиер Лигата, но ќе се обидат да го вратат својот елитен статус што е можно побрзо.
