Италијанскиот фудбалски тим Наполи на Елиф Елмас не ја оправда улогата на фаворит на денешното гостување кај Калјари и со тоа пропушти шанса да ја преземе лидерската позиција во Серија А. Наполитанците не беа на посакуваното ниво на средбата на Сардинија на која сепак на крајот успеаа да останат непоразени благодарение на погодокот на резервистот Осимен во 87 минута. Домашниот тим водеше со 1-0 од 58 минута кога Переиро го совлада Оспина.
Овој резултат беше активен се до завршницата кога по центаршутот на Марко Руи одлично реагираше Осимен за конечни 1-1.
Наполи со 54 поени е на третата позиција зад Милан и Интер.
