Новиот селектор на бразилската фудбалска репрезентација ќе биде познат во јануари 2023 година, соопшти прес-службата на тамошната федерација.
Претходно беше објавено дека Карло Анчелоти или Хосеп Гвардиола би можеле да станат ментор на Селесао.
Тите најави оставка како селектор на бразилската репрезентација по поразот од Хрватска (1:1, 2:4 по пенали) во четвртфиналето на Светското првенство 2022 година во Катар.
Шеесет и едногодишниот Тите го водеше тимот од 2016 година. (МИА)