Францускиот репрезентативец Оливие Жиру се согласи да ја продолжи соработката со актуелниот италијански шампион Милан.
Жиру е на „Сан Сиро“ од 2021 година и во овој изминат период е доста важен играч за екипата и поради тоа Милан не сакаше да го загуби, па седна на маса со агентите на ветеранот и успеа да договори да остане во сегашната средина најмалку до јуни 2024 година.
Ова е информацијата која ја сподели новинарот Џанлука Ди Марцио, информација според која Жиру ќе заработува по 3,8 милиони евра плус бонуси.
Се очекува Французинот да стави потпос на новиот договор пред четвртфиналната битка со Наполи во ЛШ.
