Репрезентацијата на Србија ниту еднаш не успеа да го погоди противничкиот гол синоќа на натпреварот од Светското првенство 2022 против Бразил (0:2).
Вкупно на средбата српските фудбалери зададоа пет удари кон голот на Бразил кои завршија надвор од рамката. „Кариоките“ имаа 24 удари, од кои 10 во рамките на противничкиот гол.
Бразил освои три бода за прво место во групата Г, пред Швајцарија (3 бода), која претходно го победи Камерун со 1:0.
Во следното коло Бразил на 28 ноември ќе игра против Швајцарија. Истиот ден Камерун ќе се сретне и со Србија.
