За време на погребот на Паоло Роси, куќата во која живеел сè до неговата смрт била ограбена. Биле украдени бројни предмети, вклучувајќи го скапиот часовник на Роси.
Италијанската фудбалска легенда, освојувач на Златната топка, Паоло Роси синоќа беше кремиран, по церемониите приредени во негова чест на стадионот Ромео Менти во Виченца и Дуомо катедралата во истиот град.
Новинската агенција Анса јавува дека кога неговата сопруга се вратила дома по погребот, видела дека крадци влегле и ги ограбиле. Полицијата направила записник, и истрагата е во тек.
