Европската фудбалска федерација (УЕФА) покрена истрага против Германскиот фудбалски сојуз и капитенот на репрезентацијата на оваа земја, поради капитенската лента што ја носеше Мануел Нојер, но премногу брзо се премисли и ја прекина.
На двата натпревари на Европското првенство, искусниот голман носеше лента во боите на виножитото. Токму затоа, УЕФА покрена истрага против Фудбалскиот сојуз на Германија бидејќи смета дека ваквиот потег е „политичка порака“, што е забрането според правилата на Европската куќа на фудбалот.
Но, многу бргу се огласија од УЕФА и потенцираа дека истрагата е сопрена. Немало никаква политичка порака, туку таа лента била тимски симбол за различноста.