Фудбалерите на Македонија продолжија да испишуваат историја и сега се на чекор до пласман на Светското првенство. Избраниците на Благоја Милевски ја победија Италија во полуфиналниот бараж (0-1) со погодокот на Александар Трајковски.
На дуелот на „Ренцо Барбера“, Македонија беше главно насочена кон дефанзива, додека европскиот првак притискаше и редеше шанси. Целиот тим одигра како едно, сплотено ги одби налетите и успешно се одбрани. Сепак, еден потег кој се истакна беше блокиран удар на Езџан Алиоски. Како и во повеќето случаи, во шанса се најде Доменико Берарди, а бекот на Македонија го спаси голот.
Блокираниот шут на Алиоски против Италија:
Пожртвуваноста на Алиоски кој спаси чист гол pic.twitter.com/xOTWtIgV6N
— Курир (@KurirMK) March 25, 2022
Иако на вистинската страна на шутот беше Столе Димитриевски, сепак топката имаше незгодно движење и се одби од тревникот, па можеше да заврши во мрежата.
