Шведска вчера без поголеми проблеми го совлада Косово со 3:0 во натпревар од квалификациите за Светското првенство. Головите ги постигнаа Емил Форсберг, Александер Исак и Робин Кваисон.
Посебно се истакна голот на Александер Исак, младата ѕвезда на Реал Сосиедад. Тој ја прими топката на левата страна, со убав дриблинг се ослободи од својот чувар, тргна кон средината и потоа се одличен удар го погоди спротивниот агол и го совлада косовскиот голман Едо Муриќ.
Исак со три погодици е најдобар стрелец на Шведска во овие квалификации, а неговата Шведска се бори за првото место во групата со Шпанија.
