После долг период на страв на почетокот на февруари се потврдија сомневањата дека авионот со кој патуваше Емилијано Сала завршил во морето.

После несреќата семејството на несудениот напаѓач на Кардиф и понатаму е неутешно.

За прв пат после трагедијата во медиумот се огласи мајката на Емилијано Сала, Мерцедес Тафаре која го крена гласот за да се дознае вистината за нејзиниот син.

-Чекаме, се обидуваме да разбереме како тоа се случило, зошто му се случи на Емилијано…Виновен ли е аеродромот, пилотот, посредникот кој го договори летот? Бараме правда, едноставно сакаме да ја знаеме вистината. Сакаме да знаеме дали некој погрешил, а ако и да одговара за тоа. Истрагата и понатаму е во тек до крајот на годината би требало да знаеме што се случило. Толку прашања на кои немаме одговор, но веруваме во правда. Мораме, порача мајката на Сала.

Таа го прокоментира и проблемот помеѓу Кардиф и Нант околу исплаќањето на сумата од 17 милиони евра.

-Несфатливо. Емилијано потпиша договор пред новинарите, сите го видоа тоа. Мораат да платат. Секако и тие се занимаваат со истрагата, но својот збор мораат да го испочитуваат. Потписот не можат да го поништат, изјави Тафаре.

И додека телото на Сала како и остатоците од авионот беа пронајдени на морското дно, телото на пилотот Дејв Иботсон кој управуваше со леталото се уште не е пронајдено.