Кошаркарите на Барселона ја спасија честа на гостинските екипи на петте мечеви кои вчера се одиграа во Евролигата во рамките на 20.коло.
Каталонците беа подобри од Басконија со 85-78 со што сега имаат учинок 13-7 во пресрет на дербито со Реал Мадрид кое е на програмата наредната рунда. Миротиќ уфрли 15, Јокубаитис 13, а двоцифрен беше и Саторански со 11 кошеви.
Кај поразените најрасположен за игра беше Седекерскис со 16 кошеви.Најдраматичниот меч пак се играше во Истанбул каде Фенербахче по дополните пет минути беше подобар од Монако со 98-94. Продолжението заврши со резултат 14-10, прво име беше Вилбекин со 21 поени, додека кај францускиот прволигаш се истакна Џејмс со 23 кошеви.