Српскиот кошаркар Никола Јокиќ ноќеска, во триумфот на Денвер нагетс против Њу Орлеанс хорнетс (138-130), ја одигра една од најдобрите партии во својата НБА-кариера, откако со 46 поени, 12 скока и 11 асистенции испиша историски трипл-дабл, каков што немало во НБА од кога се брои статистиката од 1973 година.

За својата брилијантност, феноменалниот центар доби „награда“ од соиграчите при влегувањето во соблекувалната – студен туш.

„Имав само добра енергија, а соиграчите ме наоѓаа кога требаше да ми ја дадат топката. Среќен сум што на ваков начин го добивме овој меч. Бевме нервозни во поголемиот дел од средбата, но на крајот демонстриравме шампионски менталитет и победивме“, изјави Јокиќ.

Денвер имаше водство со 21 поен разлика, но го прокоцка, па Србинот мораше на 2,2 секунди од слободни прво да обезбеди продолжение, во кое со седум поени го дотолчи противникот.

The locker room vibes were immaculate tonight 🤌 pic.twitter.com/N8jTbBhXUB

— Denver Nuggets (@nuggets) March 7, 2022