Македонскиот тим Пелистер го запиша првиот пораз во АБА2-лигата, откако загуби на гостувањето кај Широки бријег со 73-83, додека ТФТ Скопје беше поразен и по четврти пат во натпреварувањето, и тоа овој пат од Крка со 83-93.
Најдобар во победничкиот тим беше Брзоја со 27 поени, додека кај Пелистер блесна Хаџифејзовиќ со 20 поени.
Најефикасен во тимот на Крка беше Спан со 13 поени, три скокови и една асистенција, додека Андерсон постигна 20 поени и шест скокови за ТФТ.
