Куманово победи во кошаркарско дерби во македонското првенство, нанесувајќи му го вториот пораз во серија на лидерот Пелистер со 81:73.
Домаќините најчесто имаа добра контрола на резултатот, на полувреме водеа со 39:32, а последниот период го започнаа со предност од 61:54.
Пелистер успеа целосно да се врати во последниот период, дури и водеше со 61:62, но Куманово навреме се разбуди и повторно ја презема контролата на резултатот.
Ливингстон со 28 поени беше најдобар кај победничката екипа, додека Кесар со 25 поени беше најдобар поединец во редовите на Пелистер .
Претходно, ТФТ го победи вториот тим на МЗТ Скопје како гостин со 90:74, во натпревар во кој победничката екипа била предводена од Андерсон со 20, односно Херис и Смит кои постигнале по 19 поени.
