Еден од најдобрите кошаркари во поновата историја во НБА лигата, Леброн Џејмс се договори за нов договор со ЛА Лејкерс, вреден 97 милиони долари за две години.
Договорот вклучува и опција и за трета година, односно сезоната 2024/25. Висината на договорот може да скокне на 111 милиони долари доколку се зголеми селери капот од 2023 година, објави новинарот на „ЕСПН“, Адријан Војнаровски.
Триесет и седумгодишниот Леброн минатата сезона имаше просек од 30,3 поени, 8,2 скока и 6,2 асистенции по натпревар, но неговите Лејкерси не успеаја да се пласираат во плејофот.
