Кошаркарскиот тим на МЗТ Скопје го започна настапот во македонскиот кошаркарски плејоф со победа над Куманово (88:71), со која поведе во четвртфиналната серија.
Олуџоби со 24 поени го заврши натпреварот како најдобар реализатор на теренот, Крстевски уфрли 14, а Стојановски 10 поени. Во составот на Куманово, Андрејевиќ реализирал 17, а Ливингстон 15 поени.
Пелистер исто така ја оправда фаворитската улога против Академија ФМП (89:84), со што првопласираниот тим во регуларниот дел стигна до предност во серијата.
Кесар со 22 и Калахан со 21 поен биле најефикасни кај Пелистер, а расположениот Крстајиќ стигна до 31 поен во редовите на скопскиот тим.
