Вчера се одиграа шест натпревари во кошаркарската Евролига. Српските клубови имаа половичен успех, додека сигурни победи забележаа Барселона и Валенсија над Макаби, односно над Баерн. .
Олимпијакос со одличниот прв дел, го урна Фенербахче на негов терен.Најефикасен беше Гудуриќ со 24 поени кај Фенер, додека Папаниколау со 21 кај Олимпијакос.
Најнеизвесно беше на дуелот Милано – Басконија, дуел кој го доби Милано со 89-83. Двата тима се менуваа во водство, за на крајот поконцентрирани да бидат домашните и да дојдат до триумфот.
Барселона благодарение на одличната четврта четвртина, успеаја да го скршат отпорот на Макаби, и да го совладаат со 83-78. Псоелдниот период Барса до доби со 10 поени предност, што беше клучно за победата.
Партизан со убедливи 92-71 го совлада тимот на Лион. Белградските „црно-бели“ беа одлични во првите три четвртини кога направија разлика, а потоа последната ја загубија. Во еден миг Партизан имаше предност и од 29 разлика. Пантер со 17 поени беше најефикасен.
Валенсија успеа да го совлада тимот на Баерн со 82-73, а Црвена Звезда е поразена на гостувањето кај Болоња.