Третиот турнир од АБА 2 лигата ќе се одржи од 19 до 23 декември, повторно на Златибор каде се играа и воведните две кола од ова натпреварување.
На програмата ќе бидат само два круга во кои ќе учествуваат македонските претставници ТФТ и Пелистер. Освојувачот на Купот на Македонија, на 19 декември ќе се сретне со Подгорица, а три дена подоцна излегува на мегдан со Спарс.
Вицешампионот прво игра со Борац, на 21 декември, а потоа го затвора турнирот, со дуел против Хелиос Санс.
Денеска е донесена одлука, четвртиот турнир да се одржи во Бања Лука, во периодот од 23 до 29 јануари 2023 година.