Серија земјотреси вечерва се регистрирани во соседна Албанија со епицентар во близина на Драч и Тирана. Дел од потресите се почуствувани и на територија на Македонија. Според првичните информации на ЕМСЦ, земјотресите се регистрирани доцна вечерва со епицентар кој е на длабочина од 2 километри. Последните регистрирани земјотрес се со јачина до 4 степени по рихтер.
Сеизмолозите смируваат додавајќи дека станува збор за редовна сеизмичка стабилност. Според реакциите на жителите земјотресот бил со кратко тресење во хоризонтала. За среќа нема предизвикани материјални штети, ниту повредени граѓани, но поради страв дел од граѓаните најавиле дека ноќта ќе ја поминат под отворено небо.
