Косовскиот премиер Албин Курти го постигна она што се смета за невозможно во американската политика – ги обедини политичарите на Демократската и Републиканската партија, пишува европски „Политико“.
„За жал за Курти (и неговата земја), тие беа обединети во ставот дека косовскиот лидер е тврдоглав, а понекогаш и непромислен политичар кој ги поткопува заедничките напори на САД и ЕУ за постигнување трајно решение за мир меѓу Косово и Србија“, пишува „Политико“.
Според извештаите, Вашингтон го обвинува исклучиво Курти за неодамнешната ескалација на насилството на северот на Косово, но не успева да го „заузда“ со јавни критики.
„Имаме некои суштински проблеми со тоа дали можеме да сметаме на него како партнер“, изјави американскиот амбасадор во Србија Кристофер Хил за „Гласот на Америка“ претходно овој месец.
Потезите на Курти беа критикувани од државниот секретар Ентони Блинкен и поранешниот регионален пратеник Ричард Гренел, но јавните критики од администрацијата на Бајден се забележителни поради неколку причини, пишува „Политико“.
Овој медиум потсетува дека Косово е „проект“ на лидери од редовите на демократите, уште откако претседателот Бил Клинтон ја водеше кампањата на НАТО против диктаторот Слободан Милошевиќ, одговорен за етничкото чистење на Албанците на Косово.
Според „Политико“, дури и ЕУ го изгубила трпението со Курти.
Од друга страна, амбасадорот Хил, дипломатска легенда на Балканот и еден од архитектите на Дејтонскиот договор, вели дека српскиот претседател Александар Вучиќ и неговата влада се „добри партнери во овој процес“.
Косовскиот премиер инсистира дека одбивањето на Вучиќ да го признае суверенитетот на Косово и да се соочи со военото минато на Србија е одговорно за кризата.
„Со демократскиот Запад гледаме еден вид помирување (според Вучиќ). Тоа не донесе овде. Мислам дека е важно ЕУ и САД да му кажат на Вучиќ да се повлече“, изјави Курти во неодамнешното интервју за „Политико“.
Медиумот пишува дека малкумина ќе тврдат дека Вучиќ, авторитарен лидер кој „флертува“ со Русија и Кина, е „ангел“. Некои од Западот, наводно, го критикуваат Вашингтон за наводно застанување на страната на Вучиќ, додека масовните протести против неговото се поавторитарно владеење добиваат на интензитет.
Но, Србија останува сила во регионот и САД и ЕУ сакаат да се погрижат таа да не навлегува подлабоко во сферата на интереси на Русија.
