Унгарскиот претседател Јанош Адер денеска му го довери мандатот за формирање влада на лидерот на партијата Фидес, Виктор Орбан.
По состанокот на Адер и Орбан, унгарскиот претседател изјави дека резултатите од изборите на 8 април „јасно покажаа кој има доволно поддршка за да формира влада“.
Адер рече дека на седницата на Парламентот, закажана за утре, ќе каже оти Собранието треба повторно да го избере Орбан за премиер.
Орбан нагласи дека го прифаќа мандатот и оти ќе и служи на Унгарија „лојално и посветено“.
Според него, новата влада ќе се труди да ја осигура безбедноста на Унгарија и ќе ја заштити нејзината христијанска култура, како и тоа дека „ќе ги искористи сите средства за да ја изврши волјата на гласачите од 8 април“.
Тој наведе дека владата ќе има 14 челнови, седум политичари и седум непартиски личности.
МИА
