Лекот за спречување на Ковид-19 на Фајзер може да биде достапен до крајот на годината, ако испитувањата врз луѓе во САД и Белгија се успешни.

Во моментов нема други лекови, освен вакцини, кои можат да го ширењето на Ковид-19 – но ако се открие, тоа може да значи крај на локдаунот засекогаш, рече еден експерт.

Фајзер веќе ги тестира своите експериментални лекови врз луѓе.

Антивирусниот лек, наречен PF-07321332, може да се даде за да се запре сериозноста на болеста кај луѓето кои започнале да покажуваат знаци на инфекција со коронавирус.

Иако повеќето луѓе ќе се вакцинираат против Ковид, сепак вакцините не се 100% ефикасни и некои луѓе не можат да имаат или немаат толку корист, што значи дека коронавирусот сепак ќе се шири и сè уште е опасен за незаштитените лица.

Таблетите може да помогнат да се спречи тешка болест кај луѓе за кои вакцините не функционираат добро или да бидат втора линија на одбрана во случај на појава на нова варијанта отпорна на имунитет.

Околу 60 лица во моментов се вклучени во првата фаза на Фајзер, PF-07321332, што се очекува да заврши на 25 мај.

По ова, ако апчето се покаже безбедно, ќе се направат поголеми испитувања со повеќе луѓе за да се докаже дека дефинитивно го запира Ковид, како што сугерираа лабораториски тестови.