Данска воведе дополнителни рестриктивни мерки, насочени кон сузбивање на забрзаното ширење на новата варијанта на коронавирусот, за која се верува дека е многу позаразна, изјави премиерката Мате Фредериксен.

Новите забрани вклучуваат намалување на бројот на луѓе на јавни собири од 10 на пет, а се воведува и задолжително физичко растојание од два метра на јавни места, вклучително и продавници.

Во изминатите неколку дена, некои пратеници повикаа на поостри рестрикции заради стравот од мутираната варијанта на коронавирусот, која првпат беше забележана во Велика Британија.

– Мутацијата веќе се прошири и не може да се запре, но можеме да ја одложиме и да ја добиеме на време за да се вакцинираат што повеќе луѓе, нагласи Фредериксен.

Здравствените експерти изразија очекување дека новата варијанта ќе биде доминантна во Данска најдоцна до средината на февруари.