Филипинскиот претседател Родриго Дутерте прогласи вонредна состојба во целата земја како мерка во борбата против новиот коронавирус.
Дутерте ги повика сите државни служби и вооружени сили да бидат подготвени да преземат неопходни мерки во борбата против коронавирусот и поддржување на редот во областите каде се шири заразата.
Тој всушност наложи карантин во областа на главниот град Манила, односно прекин на транспортните комуникации со провинцијата до 14 април. Забраната за училишна настава во Манила е продолжена до 12 април.
Според последните податоци на здравствените власти, на Филипините има 187 потврдени случаи на заразени со Ковид-19, 12 се починати, а четворица излекувани.
