Во САД вчера биле регистрирани повеќе од илјада смртни случаи дневно или околу 42 фатални исходи од заразата на час, соопштија американските медиуми.
Забележан е драстичен раст на смртноста од делта сојот на вирусот, што најмногу беснее во местата низ САД со ниска стапка на вакцинација.
Во изминатите четири недели во САД е забележан драстичен раст на смртноста со дневен просек од 769 случаи, што е највисока стапка од средината на април.
Според информации добиени од сојузните држави, вчера во земјата од Ковид-19 починале 1.017 луѓе, додека вкупниот број починати од почетокот на пандемијата е нешто помалку од 623.000, најмногу од било која друга земја во светот.
