Вториот по големина град во Австралија, Мелбурн, од денеска е под целосен карантин, што ќе трае шест недели, бидејќи властите се борат со вториот бран на коронавирусот.
За време на карантинот, повеќето продавници и компании ќе бидат затворени, што предизвика загриженост кај жителите од можен недостиг на храна.
Од утрово, улиците во градот со пет милиони жители, главниот град на сојузната држава Викторија, кој пријави 471 случаи на коронавирус и осум смртни случаи во последните 24 часа, се празни.
Австралија сега има вкупно околу 20.000 случаи на Ковид-19 и 255 смртни случаи, што, сепак, е се уште помалку од многу други развиени земји.
Пандемијата во Викторија се заканува дека ќе се прошири во други држави. Нов Јужен Велс вчера соопшти за 12 нови случаи на коронавирус, со што вкупниот број на заразени е на 483.
Поврзани вести
ЕК ја одобри третата подобрена вакцина против Ковид
17 години голф терен во Австралија бил затворен поради ајкулите кои доаѓале во слатководното езеро – откако било повторно отворено по толку години следело неочекуван шок! (ВИДЕО)
