Норвешка нема да ја понуди вакцината АстраЗенека против Ковид-19 на лица над 65 години, соопшти денеска норвешкиот Институт за јавно здравје. Норвешка станува уште една европска земја која ја ограничува употреба на вакцината АстраЗенека.
Досега, околу 135.000 лица во Норвешка ја примија својата прва доза, а околу 35.000 ја примија втората доза на вакцини Модерна и Фајзер/БиоНТех против Ковид-19, соопшти институтот.
Во испитувањата спроведени од „АстраЗенека“ учествувале мал број луѓе постари од 65 години, што значи дека нема документација за влијанието на вакцината врз постарите групи на население, се вели во соопштението на институтот.
