Министерството за надворешни работи на Црна Гора прогласи еден дипломат од Руската амбасада акредитиран во Црна Гора за персона нон грата, соопшти денеска Министерството.
Тие наведуваат дека одлуката е донесена поради активности кои се во спротивност со членот 9 од Виенската конвенција за дипломатски односи.
Формалната нота за оваа одлука, во која се наведува рок од седум дена за напуштање на територијата на Црна Гора, денеска му била доставена на рускиот амбасадор Владислав Маслеников, соопшти Министерството.
