Бројот на смртни случаи од коронавирус во Италија денеска се зголеми за 353, што е најголема бројка од 6 мај, соопшти италијанското Министерство за здравство.
Вчера бројот на смртни случаи беше 233.
Вкупниот број починати од Ковид-19 во Италија сега е 39.412, објави порталот „Ворлдметерс“.
Во текот на изминатите 24 часа се регистрирани 28.244 нови случаи на коронавирус, што е значително повеќе од вчерашните 22.253 нови инфекции.
Вкупниот број лица заразени со Ковид-19 во Италија е 759.829. (МИА)
