Во Сеул е најавено тестирање на миленичиња за коронавирус доколку нивните сопственици бидат позитивни на тестирање, изјави првиот човек на здравјето во јужнокорејската престолнина Парк Јо-ми.
Тој најави дека градскиот тим за собирање примероци од домашни миленици ќе ги посети семејствата во карантин и ќе ги тестира нивните миленици, објави Си-Ен-Ен.
Секое куче или мачка со позитивен резултат ќе мора да помине 14 дена во карантин.
Првиот потврден случај на Ковид-19 кај домашно милениче е забележан на 21 јануари, кога тестирањето открило присуство на коронавирус кај една мачка.
