Во светот досега повеќе од 48 милиони луѓе се заразени со коронавирус, односно 48.132.494, објавено е денеска на веб-страницата на Ворлдметерс.
Според податоците на оваа страница, од Ковид-19 починале вкупно 1.224.563 лица, а 34.501.985 лица се излекувале. Од вкупниот број моментално болни, еден процент или 88.613 е во критична состојба.
Најголем број заразени има во САД, Индија и Бразил, додека повеќе од милион случаи се регистрирани во Русија, Франција, Шпанија, Аргентина, Колумбија и Велика Британија.
Според бројот на смртни случаи, на прво место се и Соединетите Американски Држави, а по нив следуваат Бразил и Индија.
Во Европа, најмногу заразени има во Русија и Франција, а во регионот Романија е сè уште на првото место. (МИА)
