Пет годишно девојче од Ресен се здобило со тешки повреди откако вчера попладне било удрено од автомобил „JEEP LIBERY“, информираат од МВР.
Несреќата се случила на улицата „11-ти Октомври“ во Ресен, кога Н.Ј.(20) од село Царев Двор, управувајќи патничко возило „JEEP LIBERY“, удрила во девојчето.
Од ударот детето се здобило со тешки телесни повреди и било пренесено во Клиничката болница Битола.
Увид на местото нa настанот извршила екипа од Полициската станица Ресен.