Седумдесет и девет годишната Д.Ц. од Неготино вчера околу 19 часот била удрена од автомобил „Даихатсу Фероза“ управуван од А.К.(49).
Како што информираат од полицијата, несреќата се случила на раскрсница со улиците „Цандо Кожинков“ и „Даме Груев“.
-Во незгодата Д.Ц. се здобила со тешки телесни повреди, по што е пренесена во Итна медицинска помош Неготино, но поради сериозноста на повредите е префрлена во Комплект Клиники “Мајка Тереза” Скопје, информираат од МВР.
Полициски екипи извршиле увид на местото на настанот.
